张爱玲提示您：看后求收藏（指间小说网www.zhijianbook.net），接着再看更方便。
”随手把早晨泡过的茶碗倒去，另换茶叶，喊外场冲开水。
一会儿，吴雪香姗姗其来；见了仲英，即大声道：“耐是坐来除对过匆来钱呀，第歇来做啥？”一面说，一面从榻床上拉起仲英来，要推出门外去。又道：“耐原搭我到对过去囗！耐去坐来哚末哉，啥人要耐来嗄？”仲英猜不出他什么意思，怔怔的立着，问道：“对过张蕙贞末，咿勿是我相好，为啥耐要吃起醋来哉囗？”雪香听说也怔了，道：“耐倒也说笑话哉（口宛）！倪搭张蕙贞吃啥醋嗄？”仲英道：“耐勿是吃醋末，教我到对过去做啥？”雪香道：“我为仔耐坐来跌对过匆来哉末，我说耐原到对过去坐来保末哉（口宛）。阿是吃醋嗄？”
仲英乃恍然大悟，付诸一笑，就在高椅上坐下，问雪香道：“耐意思要我成日成夜陪仔耐坐来里，勿许到别场花去，阿是嗄？”雪香道：“耐听仔我闲话，别场花也去末哉。耐为啥勿听我闲话嗄？”仲英道：“耐说陆里一句闲话我勿听耐？”雪香道：“价末我教耐过来，耐匆来。”仲英道：“我为仔刚刚吃好饭，要坐一歇再来。啥人说匆来嗄？”雪香不依，坐在仲英膝盖上，挽着仲英的手，用力揣捏，口里咕噜道：“倪匆来，耐要搭我说明白哚。”仲英发躁道：“说啥嗄？”雪香道：“难下转耐来哚陆里，我教耐来，耐听见仔就要跑得来哚。耐要到陆里去，我说（要勿）去末，定规勿许耐去哉。耐阿听我？”
仲英和他扭不过，没奈何应承了。雪香才喜欢，放手走开。仲英重又笑道：“我屋里家主婆从来勿曾说歇啥，耐倒要管起我来哉！”雪香也笑道：”耐是我倪子（口宛），阿是要管耐个嗄。”仲英道：“说出来个闲话阿有点陶成，面孔才勿要哉！”雪香道：“我倪子养到仔实概大，咿会吃花酒，咿会打茶会，我也蛮体面哚，倒说我（要勿）面孔！”仲英道：“勿搭耐说哉。”
恰好小妹姐吃华饭，在房背后换衣裳。雪香叫道：“小妹姐，耐看我养来哚倪子阿好？”小妹姐道：“陆里嗄？”雪香把手指仲英，笑道：“哪。”小妹姐也笑道。“阿要瞎说！耐自家有几花大，倒养出实概大个倪子来哉。”雪香道：“啥稀奇嗄！我养起倪子来，比仔俚要体面点哚。”小妹姐道：“耐就搭二少爷养个倪子出来，故末好哉。”雪香道：“我养来哚倪子，要像仔俚哚堂子里来白相仔末，拨我打杀哉囗。”小妹姐不禁大笑道：“二少爷阿听见？幸亏有两个界头管，勿然要气煞哚！”仲英道：“俚今朝来里发痴哉！”雪香滚到仲英怀里，两手勾住头颈，只是嘻嘻的憨笑。仲英也就鬼
