第21页 (第1/4页)
张爱玲提示您：看后求收藏（指间小说网www.zhijianbook.net），接着再看更方便。
俄延之间，外场提上灯笼，候于帘下，娘姨拎出琵琶、银水烟筒交代外场。赖公子再催一遍，文君嗔道：“啥要紧嗄，耐阿是来浪讨厌我？”赖公子满心鹘突，欲去近身掏摸，却恐触怒不美。文君临行，仍与赖公子悄悄的附耳说了几句，赖公子仍连连点头。这些帮闸门客眼睁睁看着姚文君飘然竟去。罗子富、王莲生始知文君用计脱身，不胜佩服。
赖公子并不介意，吃酒看戏，余兴未阑。却有几个门客攒聚一处，切切议论；一会推出一个上前请问赖公子：缘何放走姚文君？赖公子回说：“我自己叫他去，你不要管。’门客无言而退。
罗子富、王莲生等上到后四道菜，约会兴辞。赖公子不解迎送，听凭自便。两人联步下楼，分手上轿。王莲生自归五马路公馆。罗子富独往尚仁里黄翠凤家，大姐小阿宝引进楼上房间。黄翠凤、黄金凤皆出局未回，只有黄珠凤扭捏来陪。
俄而老鸨黄二姐上楼厮见，与罗子富说说闲话，颇不寂寞。黄二姐因问子富道：“翠凤要赎身哉呀，阿曾搭罗老爷说？”子富道：“说末说起歇，好像勿成功。”黄二姐道：“勿是个勿成功。俚哚自家赎身，要末勿说，说仔出来，再有啥勿成功？阿是我匆许俚赎？我是要俚做生意，勿是要俚个人。倘然俚赎身勿成功，生来生意也匆高兴搭我做，阿是让俚赎个好？”子富道：“价末俚为啥说勿成功？”黄二姐叹口气道：“勿是我要说俚，翠凤个人调皮匆过！倪开个把势，买得来讨人才不过七八岁，养到仔十六岁末做生意，吃着费用倒（要勿）去说俚，样式样才要教拨俚末俚好会。罗老爷，耐说要费几花心血保？价末生意倒也难说。倘然生意勿好，豁脱子本钱，再要白费心，故也无法子个事体。真真要运道末到哉，人末冲场也无啥，难末生意刚刚好点起来。比方有十个讨人，九个勿会做生意，单有一个生意蛮好，价末一径下来几花本钱生来才要俚一干子做出来个哉（口宛）。罗老爷阿对？难故歇翠凤要赎身，俚倒搭我说，进来个身价一百块洋钱，就加仔十倍不过一千（口宛）。
罗老爷，耐说阿好拿进来个身价来比？”子富道：“俚末说一千，耐要俚几花嗄？”黄二姐道：“我末自家良心天地，到茶馆里教众人去断末哉。俚一节工夫，单是局帐要做千把哚。客人办个物事，拨俚个零用洋钱才匆算，俚就拿仔三千身价拨我，也不过一年个局帐洋钱。俚出去做下去，生意正要好哚。罗老爷阿对？”
子富寻思半晌不语，珠凤乘间掩在靠壁高椅上打瞌铣。黄二姐一眼睃见，随手横挞过去。珠
