第2页 (第3/4页)
张爱玲提示您：看后求收藏（指间小说网www.zhijianbook.net），接着再看更方便。
故歇教我去请洪老爷，我说耐同我一淘去，教洪老爷想个法子，比仔倪说个灵。”
沈小红兄弟感激非常，又和阿珠说知，三人同去。先至公阳里周双珠家，一问不在；出弄即各坐东洋车，逞往小东门陆家石桥；然后步行到咸瓜街永昌参店。那小伙计认得来安，忙去通报。
洪善卿刚踅出客堂，沈小红兄弟先上前磕个头，就鼻涕眼泪一齐滚出，诉说“昨日夜头，勿晓得王老爷为啥动仔气”，如此如此。善卿听说，十猜八九，却转问来安：“耐来做啥？”来安道：“我是倪老爷差得来请洪老爷到张蕙贞搭去。”善卿低头一想，令两人在客堂等候，独唤娘姨阿珠，向里面套间去细细商量。
第三十三回终。
第三十四回 沥真诚淫凶甘伏罪 惊实信仇怨激成亲
接：来安暨沈小红兄弟在客堂里等了多时，娘姨阿珠出来，却和沈小红兄弟先回。来安又等一会，洪善卿才出来，向来安道：“俚哚教我劝劝王老爷。倪是朋友，倒有点间架头。要末同仔王老爷到俚搭去，让俚哚自家说，耐说阿对？”
来安那有不对之理，满口答应。善卿即带来安同行，仍坐东洋车，逞往四马路东合兴里张蕙贞家。
其时王莲生正叫了四只小碗，独酌解闷。善卿进见，莲生让坐。善卿笑道：“昨日夜头辛苦哉？”莲生含笑嗔道：“耐再要调皮，起先我教耐打听，耐勿肯。”善卿道：“打听啥嗄？”莲生道：“倌人姘仔戏子，阿是无处打听哉。”善卿道：“耐自家勿好，同俚去坐马车，才是马车浪坐出来个事体。我阿曾搭耐说：沈小红就为仔坐马车，用场大点？耐勿觉着（口宛）！”莲生连连摇手道：“（要勿）说哉，倪吃酒。”
娘姨添上一副杯筷，张蕙贞亲来斟酒。莲生乃和善卿说：“翡翠头面（要勿）买哉。”另有一篇帐目，开着天青披、大红裙之类，托善卿赶紧买办。善卿笑向蕙贞道：“恭喜耐。”蕙贞羞得远远走开。
善卿正色说莲生道：“故歇耐讨蕙贞先生是蛮好。不过沈小红搭耐就实概勿去仔，终好像勿局囗。”莲生焦躁道：“耐管俚局勿局！”善卿讪笑婉言道：“勿是呀，沈小红单做耐一个客人，耐勿去仔无投哉！刚刚碰着仔节浪，几花开消才匆着杠；屋里再有爷娘搭兄弟，一家门要吃要用，教俚再有啥法子？四面逼上去，阿是要逼杀俚性命哉？虽然沈小红性命也无啥要紧，九九归原，终究是为仔耐，也算一桩罪过事体。倪为仔白相了，倒去做罪过事体末。何苦呢？”莲生沉吟点头道：“耐是也来浪
![[全职]养成游戏加载中](https://www.zhijianbook.net/images/dWpzNDU5OHNkZmQyNWVkZrhui21_rlShTITwWZ4b9cREiF63_v5h1E2JRIOHWe_K)
