张爱玲提示您：看后求收藏（指间小说网www.zhijianbook.net），接着再看更方便。
少时，传唤进见，李鹤汀正和杨媛媛对坐小酌。匡二呈上陈小云书信。鹤汀阅毕撩下。匡二仍即退出。饭后，轿班也来伺候。匡二私问盛姐，有甚事否。盛姐道：“听说要去坐马车。”
匡二只得兀坐以待，不料待至三点多钟，尚未去喊马车。忽见姚季莼坐轿而来，特地要访李鹤汀。鹤汀便知必有事故，请姚季莼到杨媛媛房里，对坐闲谈。季莼说来说去，并未说起甚事，鹤汀忍不住，问他有甚事否。季莼推说没事，却转问鹤汀：“阿有啥事体？”鹤汀也说没事。季莼道：“价末倪一淘到卫霞仙搭去打个茶会，阿好？”鹤汀不解其意，随口应诺。椎杨媛媛在傍乖觉，“格”声一笑。季莼不去根问，只催鹤汀穿起马褂。因相去甚近，两人都不坐轿，肩随步行，同至卫霞仙家。
一进门口，即有一个大姐迎着笑道：“二少爷，为啥几日天匆来？”季莼笑而不答，同鹤汀一直上楼。卫霞仙也含笑相迎，道：“阿唷！二少爷（口宛），耐几日天关来哚‘巡捕房’里，今朝倒放耐出来哉！”季莼只是讪笑。鹤汀诧异问故。霞仙笑指季莼道：“耐问俚呀，阿是拨巡捕拉得去关仔几日天？”鹤汀早闻姚奶奶之事，方知为此而发，因就一笑丢开。
大家坐定。霞仙紧靠季莼身傍，悄悄问道：“耐家主婆来浪骂我呀，阿对？”季莼道：“啥人说俚骂耐？”霞仙鼻子里哼了一声，道：“耐（要勿）搭我瞎说！耐家主婆骂两声，倒也（要勿）去说俚；耐末再要帮仔耐家主婆说倪个邱话，倪才晓得个哉！”季莼道：“耐来里瞎说哉囗！耐晓得俚骂耐啥嗄？”霞仙道：“俚来里该搭就一径骂得去；到仔屋里，阿有啥勿骂个？”季莼道：“俚到该搭来，倒勿是要来相骂；为仔我有点要紧事体，到吴淞去仔三日天，屋里勿曾晓得，道仔我来里该搭，来问一声。等到我转来仔，晓得来里吴淞，勿关耐事，俚也就匆曾说啥。”霞仙道：“耐说勿是来相骂。俚一进来就竖起仔个面孔，（口英）（口皇）（口英）（口皇），下头噪到楼浪，勿是相骂是啥嗄？”季莼道：“难（要勿）说哉。俚吃仔耐几花闲话，一声也响匆出，耐也气得过个哉。”霞仙道：“正经说，俚是个奶奶，倪阿好去得罪俚？俚自家到该搭来，要扳倪个差头，倪也只好说俚两声。阿是倪说差哉嗄？”季莼道：“耐说俚两声说得蛮好，我倒要谢谢耐；勿然，俚只道无啥人得罪俚，下转打听我来里啥场花吃酒，俚也实概奔得来哉，阿要难为情？”霞仙本要尽情痛诋，今见如此说，又碍着李鹤汀在傍，只得留些体面，不复多言。停了半晌，叫声“二少爷”
