张爱玲提示您：看后求收藏（指间小说网www.zhijianbook.net），接着再看更方便。
供老爷来末哉。’洪老爷，耐看王老爷面浪搭倪包荒点个囗。”洪善卿呵呵笑道：“我动啥气嗄？耐也无啥得罪我囗，耐（要勿）去多花瞎小心。倪不过是朋友，就得罪仔点，到底勿要紧，只要耐勿得罪王老爷末才是哉！耐要得罪仔王老爷，倪就搭耐说句把好听闲话，也无用（口宛）！”小红笑道：“倪倒勿是要洪老爷搭倪说好话，也匆是怕洪老爷说倪啥邱话，为仔洪老爷是王老爷朋友末，倪得罪仔洪老爷，连搭倪王老爷也有点难为情，好像对勿住朋友哉（口宛）。洪老爷阿是？”王莲生叉口剪住道：“（要勿）说哉，请坐罢。”
大家一笑，齐出至当中间，入席让坐。陈小云乃问洪善卿道：“庄荔甫请耐陆秀宝搭吃酒，耐阿去？”善卿愕然道：“我匆晓得（口宛）。”小云道：“荔甫来请我，说耐也来哚。我想荔甫做陆秀林（口宛），陆秀宝搭阿是搭啥人代请嗄？”善卿道：“我外甥赵朴斋末，陆秀宝搭吃过一台酒。今夜头勿晓得阿是俚连吃一台？”
一时，台面上叫的局络绎而来，果然周双珠带一张聚秀堂陆秀宝处请帖与洪善卿看，竟是赵朴斋出名。善卿问陈小云“阿去”。小云道：“我匆去哉，耐囗？”善卿道：“我倒间架来里，也只好勿去。”说罢丢开。
罗子富见出局来了好几个，就要摆起庄来。王莲生向杨柳堂、吕杰臣道：“耐哚喜欢闹酒，倪也有个子富来里，去闹末哉。”沈小红道：“倪今朝倒忘记脱仔，勿曾去喊小堂名。喊仔一班小堂名来也要闹热点哚。”汤啸庵笑道：“今年阿是二月里就交仔黄梅哉，为啥多花人嘴里向才酸得来！”洪善卿笑道：“到仔黄梅天倒好哉，为仔青梅子比黄梅子酸得野哚！”说得客人、倌人哄堂大笑。
王莲生要搭讪开去，即请杨柳堂、吕杰臣伸拳打罗子富的庄。当下开筵坐花，飞觞醉月，丝哀竹急，弃侧铰横，才把那油词醋意混过不提。
比及酒闹灯（火也），众客兴辞，王莲生陆续送毕，单留下洪善卿一个请至房间里。善卿问有何事。莲生取出一大包首饰来，托善卿明日往景星银楼把这旧的贴换新的，就送去交张蕙贞收。善卿应诺，开包点数，揣在怀里。原来莲生故意要沈小红来看。小红偏做不看见，坐一会儿，索性楼下去了。不知这一去正中莲生的心坎。莲生见房间里没人，取出一篇细帐交与善卿，悄悄嘱道：“另外再有几样物事，耐就照仔帐浪去办，办得来一淘送去，（要勿）拨小红晓得。”又嘱道：“耐今夜头先到俚搭去一埭，问声俚看，还要啥物事，就添来哚帐浪末哉，（要勿）忘记囗。
