张爱玲提示您：看后求收藏（指间小说网www.zhijianbook.net），接着再看更方便。
摇摇手向高椅坐下。阿招却低声告诉道：“昨日一夜天咿勿曾困。困好仔再要起来，起来一埭末咳嗽一埭，直到天亮仔坎坎困着。”玉甫忙问：“阿有寒热？”阿招道：“寒热倒无拨啥寒热。”玉甫又摇摇手道：“（要勿）响哉，让俚再困歇罢。”不料大床上李漱芳又咳嗽起来。
第十七回终。
第十八回 添夹袄厚谊即深情 补双台阜财能解温
按：陶玉甫听得李漱芳咳嗽，慌忙至大床前揭起帐子，要看漱芳面色。漱芳回过头来（目夷）了玉甫半日，叹一口气。玉甫连问：“阿有啥勿适意？”漱芳也不答，却说道：“耐个人也好个哉！我说仔几转，教耐昨日转来仔末就来，耐定归勿依我。随便啥闲话，搭耐说仔，耐只当耳边风！”玉甫急分辨道：“勿是呀！昨日转来末晚哉，屋里有亲眷来浪，难末阿哥说：‘阿有啥要紧事体，要连夜赶出城去？’我阿好说啥囗？”漱芳鼻子里“哼”的一声，说道：“耐（要勿）来搭我瞎说！我也晓得点耐脾气。要说耐外头再有啥人来浪，故也冤枉仔耐哉。耐总不过一去仔末就想勿着，等耐去死也罢活也罢，总勿关耐事，阿对？”玉甫陪笑道：“就算我想勿着，不过昨日一夜天，今朝阿是想着仔来哉？”漱芳道：“耐是勿差，一（目忽）困下去，困到仔天亮末，一夜天就过哉。耐阿晓得困勿着了，坐来浪，一夜天比仔一年还要长点囗！”玉甫道：“总是我匆好，害仔耐。耐（要勿）动气。”
漱芳又嗽了几声，慢慢的说道：“昨日夜头，天末也讨气得来，落勿停个雨。
浣芳囗，出局去哉；阿招末，搭无装烟；单剩仔大阿金，坐来浪打磕铣。我教俚收抬好仔去因罢。大阿金去仔，我一干仔就榻床浪坐歇，落得个雨来加二大哉；一阵一阵风吹来保玻璃窗浪，‘乒乒乓乓’，像有人来吸碰，连窗帘才卷起来，直卷到面孔浪。故一吓末，吓得我来要死！难末只好去因。到仔床浪囗，陆里困得着嗄！间壁人家刚刚来哚摆酒、豁拳、唱曲子，闹得来头脑子也痛哉！等俚哚散仔台面末，台子浪一只自鸣钟，跌笃跌笃；我（要勿）去听俚，俚定归钻来里耳朵管里。再起来听听雨末，落得价高兴；望望天末，永远勿肯亮个哉。一径到两点半钟，眼睛算闭一闭。坎坎闭仔眼睛，例说道耐来哉呀，一肩轿子抬到仔客堂里。看见耐轿子里出来，倒理也匆理我，一径望外头跑，我连忙喊末，自家倒喊醒哉。醒转来听听，客堂里真个有轿子钉鞋脚地板浪声音，有好几个人来浪。我连忙爬起来，衣裳也匆着，开出门去，问俚哚：‘二少爷啥？’
![魔王的降临[快穿]](https://www.zhijianbook.net/images/dWpzNDU5OHNkZmQyNWVkZggnK1t-Q0pE6Qeuislz58mxB8_8GmvAb2HG9Y4nqQEh)
