张爱玲提示您：看后求收藏（指间小说网www.zhijianbook.net），接着再看更方便。
：“来里下头。”金凤恐子刚有甚秘密事务，假做要看诸金花，挚了珠凤走避下楼。
翠凤和子刚坐谈片刻，壁上挂钟正敲三下。子刚知道罗子富每日必到，即欲兴辞。翠凤道：“故也再坐歇末哉，啥要紧嗄？”子刚踌躇间，适值珠凤、金凤跟着诸金花来见翠凤。子刚便不再坐，告别竟去。
诸金花一见翠凤，噙着一泡眼泪，颤巍巍的叫声“阿姐”，说道：“我前几日天就要来望望阿姐，一径走勿动；今朝是定规要来哉。阿姐阿好救救我？”说着，鸣咽要哭。翠凤摸不着头脑，问道：“啥嗄？”金花自己撩起裤脚管给翠凤看。两只腿膀，一条青，一条紫，尽是皮鞭痕迹，并有一点一点鲜红血印，参差错落，似满天星斗一般。此系用烟签烧红戳伤的。翠凤不禁惨然，道：“我交代耐，做生意末巴结点，耐勿听我闲话，打到实概样式！”金花道：“勿是呀。倪个无女每，勿比得该搭无女每，做生意勿巴结，生来要打；巴结仔，再要打囗。故欧就为仔一个客人，来仔三四埭，无女每说我巴结仔俚哉，难末打呀。”
翠凤勃然怒道：“耐只嘴阿会说嗄？”金花道：“说个呀，就是阿姐教拨我个闲话。我说要我做生意末（要勿）打，打仔生意勿做哉！倪无女每为仔该声闲话，索性关仔房门，喊郭孝婆相帮，揿牢仔榻床浪，一径打到天亮；再要问我阿敢勿做生意？”翠凤道：“问耐末，耐就说定归勿做，让俚哚打末哉（口宛）。”金花攒眉道：“故末阿姐哉，痛得来无那哈哉呀！再要说勿做呀，说匆来哉呀。”翠凤冷笑道：“耐怕痛末，该应做官人家去做奶奶、小姐个呀，阿好做倌人？”
金凤、珠凤在傍“嗤”的失笑。金花羞得垂头嘿坐。翠凤又问道：“鸦片烟阿有嗄？”金花道：“鸦片烟有一缸来浪。碰着仔一点点，就苦煞个，陆里吃得落嗄！再听见说，吃仔生鸦片烟，要迸断仔肚肠死哚，阿要难过！”翠凤伸两指，著实指定金花，咬牙道：“耐个馅头东西！”一句未终，却顿住嘴不说了。
谁知这里说话，黄二姐与赵家女每正在外间客堂中，并摆两张方桌，把浆洗的被单铺排缝纫。听了翠凤之言，黄二姐耐不住，特到房里，笑向翠凤道：“耐要拿自家本事，教拨俚末，今世勿成功个哉！耐去想，前月初十边进去，就是诸十全个客人，姓陈个，吃仔一台酒，绷绷俚场面。到故歇一个多月，说有一个客人装一挡干湿，打三埭茶会。陆里晓得该个客人，倒是俚老相好，来里洋货店里柜台浪做生意，吃仔夜饭来末，总要到十二点钟去。难末本家说仔闲话了，诸三姐赶
![星际供应商[种田]](https://www.zhijianbook.net/images/dWpzNDU5OHNkZmQyNWVkZiKFo4wPb0PbcjT68KrHyeIHAfQYNuV0ZQ6QcOYxHDZq)
